NAGHIHIKAB pa siyang bumaba ng hagdanan upang hanapin si Kameron. Nagising siya na wala na ito sa tabi niya at kahit sa kwarto kung saan ito nagpipinta kagabi. Alas-otso pa lang ng umaga pero parang tanghali na rin sa sobrang init sa labas.
“Aling Sonia? Si Kameron, ho?” tanong niya habang nagdidilig ito ng halaman.
Sumulyap ito sa kaniya. “Gising ka na pala, Trina. Gutom ka na ba?” Inilagay nito sa tabi ang sprinkler. “Ipaghahain na kita.”
“Si Kameron, ho?” muli niyang tanong.
“Naku, kasama si Isko sa bayan at may pinuntahan lang. Hindi rin naman sinabi kung ano ang dahilan basta nagmamadali silang umalis,” tugon nito.
“Umalis? Hindi man lang ako ginising?” Sumabay na siya rito na papasok sa loob ng kusina.
“Baka hindi ka na inabala pa at tulog na tulog ka siguro. Hayaan mo at babal
