RAMDAM ni Vanessa na naglalakad sa likuran niya ang tahimik na si Fern.
Pagkatapos ng mainit nilang halikan sa car space kanina, nabawasan kahit papaano ang unresolved s****l tension sa pagitan nila kaya nakapag-isip na sila nang deretso. Nagdesisyon silang mag-usap muna sa unit niya.
Well, kailangan pa ring ipaliwanag ni Fern kung bakit pangalan niya ang binabanggit nito habang ibang babae ang kasiping.
Iniwan ni Vanessa na bukas ang pinto nang pumasok bilang imbitasyon kay Fern. Nang nasiguro niyang sumunod sa kanya ang binata, dumeretso siya sa kusina. Inilabas niya ang wine na natanggap bilang regalo noong nakaraan. Binuksan niya iyon at nagsalin ng alak sa dalawang baso.
Pagpihit niya paharap, sumalubong sa kanya si Fern na kadarating lang sa kusina. Iminuwestra niya ang kitchen i
