"BEHAVE kayo kay Tita Ninang, okay? Andrea 'wag bibitIw kay Ninang Rowella. Luke, Andrei bantayan niyo ang isa't-isa. Andrei iyong sinabi ko sa'yo, h'wag kang lalapit sa hindi mo kakilala, okay?" sunud-sunod na paalala ni Ysabella sa triplets.
Matapos nilang magsimba ay kaagad silang dumeretso rito sa mall.
Kailangan na kasi niyang bumili ng mga kakailanganin ng mga bata at stocks ng mga pagkain nila.
"Opo, Mhie," sabay-sabay naman na sagot ng tatlo at magkahawak-kamay pa na tumabi kay Rowella.
"Don't worry, Belle. Ako ng bahala sa mga anak mo." nakangiting sabi naman ni Rowella.
"Siguraduhin mo, Rowella. Alam mo naman kung gaano kakulit ang mga iyan." Alam naman niyang hindi talaga nito pababayaan ang triplets.
"Aye, aye, Captain." anito at sumaludo pa sa kanya. Nangingiting napai
