NANG lumabas si Ysabella sa kanilang kuwarto ay nakita niyang nakaupo na ang mga anak niya sa kanya-kanyang puwesto ng mga ito sa harap ng hapag. Magkatabi sina Andrei at Andrea, si Luke naman ay nasa harap ni Andrea.
Dumeretso siya sa maliit nilang fridge para ilabas ang mga kailangan at kaagad siyang nagluto ng pancake at hotdog. Kung may pinagkakasunduan man ang triplets niya, iyon ay ang parehong paborito ng mga ito. Ang pancake at hotdog sa almusal.
"Kuya Luke, my best friend Karenina says, she likes you, and when she grows up, she will marry you."
Natigil siya sa paglalagay ng pancake sa kawali nang marinig niya ang sinabi ng bunsong anak. Kumot ang noong napalingon siya at tiningnan si Andrea.
Nakita niya sa mukha ng bunso niya na hindi ito nagbibiro sa sinabi at mukhang ipipili
