“Sir, is there anything else you need?”
Naririnig ni Jacob ang tanong ng sekretarya niya ngunit nakadalawang ulit pa ito bago niya sagutin.
“Pakidalhan na lang ako ng kape, Berna.”
Nanatiling nakapako ang mga titig niya sa labas. He wished, malawak na kalangitan o hindi kaya ay dagat lang ang kanyang natatanaw at wala ang iba pang matatayog na mga gusali. That way ay mari-relax ang pakiramdam.
Ilang sandali pa ang lumipas nang bumukas ulit ang pintuan ng conference room. May pumasok. Umalingasaw ang pamilyar na amoy ng brewed coffee. Ngunit wala ang nakasanayan niyang tagaktak ng takong ng kanyang sekretarya. Wala rin ang nagiging pamilyar nang pabango na araw-araw nitong gamit, na kahit masangsang sa ilong ay isinawalang kibo niya na lang. What he inhaled is a sweet scent that only…
