Inabot ko ang cellphone ko na nasa nightstand nang maramdaman ko ang pagtunog nito. Kahit na inaantok pa ang mga mata ko ay pinilit ko pa rin idilat ang mga ito. Humihikab pa ako habang binabasa ang mensahe galing kay Charles.
Charles: Video call? Miss you lil' sis.
Napangiti ko sa mensahe niya. Hindi pa rin talaga nagbabago ang kambal ko. Makulit pa rin. Hindi na ako nagreply. Tumayo ako para kunin ang laptop ko na nakalimutan kong iligpit kagabi. Nasa sofa ito.
Agad akong nag online at nagchat kay Charles na pwede na siyang tumawag. Inayos ko ang strap ng nighties ko. Kahit na medyo inaantok pa rin ako ay pinilit ko pa ring magising para makausap ang kambal ko. Agad ko itong sinagot ang tawag niya. Nag ayos ako ng upo. Sumandal ako sa heaboard at nilagyan ng unan ang kandungan ko para
