Naging abala na si Victor sa mga sumunod na linggo. Hindi na kami madalas magkita dahil minsan ay may gig sila sa ibang lugar. Ako naman ay naging busy na rin dahil nakahanap na ako ng lugar na maaaring pagtayuan ng aking pastry shop. Hindi ko na rin masyadong nakikita si Miggy. Huling beses ko siyang nakita ay noong pumunta ako sa bahay nila. Pagkatapos no'n, kahit na anino niya, hindi ko na nakita. Siguro nga'y lumalayo na talaga siya sa amin ng Kuya niya.
"Kailan mo bubuksan yung shop?" tanong ni Charles habang abala akong nakatitig sa harapan ng aking laptop. Siya naman ay nakaupo sa tapat ko.
"Next week siguro," sagot ko. "Konti na lang naman ang aayusin doon," lumingon ako sa kanya at isinandal ang aking likuran sa kinauupuan. Hinawakan ko ang aking batok dahil naramdaman ko ang pa
