Nasaktan ako sa mga sinabi ni Miggy pero hindi ko naman siya masisisi. Hinawakan ko ang kanyang kamay. Ang mga mata namin ay parehong lumuluha habang nakatingin sa isa't isa..
"Miggy, please..." sumamo ko. "Sabihin mo sa akin kung ano ang nangyari noon. G-gusto kong malaman lahat ng dahilan mo," pumiyok na ang aking boses dahil sa pagmamakaawa.
Binawi niya ang kanyang kamay. Hindi napuputol ang tinginan namin. "Umalis ka na lang, Aaliyah. Hindi na importante ang noon. Gaya ng sabi mo, marami ng nagbago," nag iwas siya ng tingin at pinunasan ang kanyang mga mata.
"P-please," pagmamakaawa ko. Pakiramdam ko, may dapat akong malaman tungkol sa nakaraan namin. Kailangan kong malaman kung ano ito. Hindi matatahimik ang puso at isip ko hangga't hindi ko nalalaman kung ano nga ba ang mga nangya
