Nang makarating kami sa kabilang daku ng Isla kung saan doon namin ebebenta ang mga isda. Nagulat ako sa daming mga taong kumakaway kay Ram kahit hindi pa dumadaong ang bangka.
Para silang nag-uunahan sa pantalan. Halata ang tuwa sa kanilang mga ngiti nang makita ang papalapit na bangka ni Ram.
Napakunot noo tuloy ako kung ano ang meroon? Bakit maraming naghihintay sa kanya sa pantalan ng bangka.
"Sila ba ang mga bumibili sa'yo ng isda kaya agad itong nauubos?" hindi makapaniwalang tanong ko.
Tumango siya habang inaayos ang pagpapaliko ng bangka upang mahinto ito sa mismong harapan ng mga taong naghihintay sa amin.
"Palagi nila akong hinihintay rito. Suki ko na sila kaya nila ako hinihintay ngayon."
Hindi ako makapaniwala sa dami ng tao. Mukha pa silang nag-uunahan, karamihan mga
