Ilang araw pa lamang ang nakalilipas ngunit kalat na kalat na ang balita tungkol kina Xenon at Loraine na kilala bilang isang magaling na modelo kagaya ni Veronica. Bukod dito may iilan din nakaalam na sa bahay na pala ng binata tumutuloy ang nasabing modelo. Dahil sa balitang ito mas lalong naging matunog ang pangalan nilang dalawa ni Loraine sa mga madla lalo na sa mga tagahanga ng modelo. Ngunit hindi rin nawala ang ilang kababaihan na tila ba nagluluksa dahil sa ang pinapangarap nilang lalake ay pagmamay-ari na pala ng iba. May iilan ding haka-haka tungkol sa dalawa na kaya raw nagsasama na sila ay dahil inalok na ng kasal ng binata ang modelong si Loraine. Mayroon ding nagsabi na kaya raw ibinahay na ni Xenon ang modelo ay sa kadahilanang buntis raw ito. Samantalang hindi malaman ni X
