Buhat sa mahimbing na pagkakatulog nagising ang dalagang si Aurora dahil sa halik ng hangin dala nang bukas na bintana. Sariwa man ang hangin na kaniyang nalalanghap ngunit para bang wala siyang gana na damahin ito dahil sa lugar kung nasaan siya ngayon. Kung dati ay masaya pa niyang sinasalubong ang simoy ng hangin ngayon naman ay tila nawalan na siya ng gana dahil sa pasakit na nararanasan niya sa kaniyang buhay. Isama mo pa ang pagkawala ng minamahal niyang pamilya sa kamay ng mga walang pusong tao. Bagamat bukas nga ang bintana hindi ka pa rin makakatakas sapagkat tiyak na babawian ka ng buhay kapag tumalon ka sa bintanang may taas na limang palapag lalo pa’t kakahuyan ang tangi mong babagsakan. Sa isipin pa lang na ‘yon, tila ba kaagad na kinilabutan ang dalagang si Aurora sa maaari n
