“PRIVATE number? Tumawag ba ulit ‘yong sinabi mo na nagpapanggap na Mikee?” tanong ni Musika.
“Hindi pa ulit, pero hindi ko binura ‘yung mga recent call logs niya pati text messages,” sagot ni Yumi at inabot sa kakambal ang phone niya.
Matapos tignan iyon ay inabot sa kasamahan.
“Print mo ‘yong screenshots para may copy tayo.”
“Hindi ba natin puwedeng i-trace ‘yong number para malaman kung saan nanggagaling ang tawag?” tanong pa ni Carlo.
Saglit na nag-isip si Musika.
“I don’t know if that’s possible, madali sana natin malalaman kung nag-appear ‘yung phone number, but I’ll see what I can do. Puwede natin ma-trace ang location n’ya kung tatawag siya ulit at magtatagal ng mahigit limang minuto ang pag-uusap nila.”
Mayamaya ay dumating si Edward, ang asawa ni Musika.
“Oh, nali
