“PARE, hindi ka pa kakain ng lunch?” tanong sa kanya ni Abet.
Napaangat ang kanyang ulo si Carlo nang marinig ang boses ng kaibigan. Tuluyan itong pumasok sa opisina niya. Nang sumulyap sa oras ay saka pa lang niya napansin na pasado alas-kuwatro na ng hapon.
“Kakain na rin, kanina pa ako nagugutom sa operating room,” sagot niya sabay tayo.
“Saan tayo? Doon sa Sweet Tooth?” tanong nito.
“Hindi na, teka lang,” sagot niya at kinuha ang paper bag at may nilabas na lunch box mula sa loob. “Oh, bigay ni Misis.”
Nagtaka ito at kinuha iyon. “Ano ‘to?”
“Lunch!”
Namilog ang mata nito. “Talaga?”
“Oo, doon na lang tayo kumain sa pantry,” sabi nito.
“Sige ba, ayos ‘to, makakatipid ako!”
Paglabas nila ay agad nitong kinawayan ang ibang kasama nilang doctor. “Kayo na lang, may
