CERISE
TAHIMIK akong umiiyak sa isang sulok ng aming silid dahil nasaktan ako nang malamang magpapakasal na si Angelo. Wala na ba talaga kaming pag-asa?
"Tapos ka na sa eksena mo?" nagulat ako nang may magsalita.
"Huh?" saad ko habang tiningnan ang pagbangon ni Semira.
"Akala ko kasi nagshoshooting ka diyan," saad niya saka lumapit, "para ka kasing timang na nakaupo diyan sa gilid. Anong pamagat ng pelikula mo?"
"Kanina pa ka pa diyan?" nahihiya kong tanong.
"Nakalimutan mo bang nasa iisang kwarto lang tayo?" umupo siya sa kama ko, "pinanood lang kita, medyo matagal-tagal na rin akong hindi nakapanood ng teleserye kaya na-curious ako sa pinanghuhugutan mo."
"Matulog ka na," saad ko habang pasimpleng pinunasan ang aking mga luha, "wala lang 'to."
"Naku! Ganyan na ganyan talaga ang
