Hindi alam ni Joshua kung ano ang dapat maramdaman sa mga oras na iyon. The moment Miyanna turn her back on him ay gusto niya itong hilahin, yakapin at pigilan pero tila naipako na siya sa kinatatayuan. Hindi pa rin nag-sink in sa utak niya hanggang ngayon ang sinabi nito.
O baka sadyang ayaw lang talagang tanggapin ng sistema niya na ganoon na lamang kadali nitong tinuldukan ang akala niya ay maganda at maayos nilang pagsisimula.
Ilang minuto ring nanatili si Joshua roon na nakatayo at nakatitig sa nakasaradong gate hanggang sa sumuko na lamang siya at pumasok na sa bahay.
Nakarating na ang binata sa stasyon ngunit bumalik siya dahil nakalimutan niya ang laptop na gagamitin niya sana para sa orientation ng mga bagong pulis mamaya at hindi niya inaasahang ganoong eksena ang maabutan n
