GALIT at hinanakit ang nasa mga mata ni Vinia nang balingan ni Joel pagkatapos niyang makipag-usap kay Amor sa telepono. Muli ay gusto na naman niyang maawa sa babae, pero ipinaalala niya sa sariling mas nakakaawa siya kung papayag siya sa gusto nito.
Umabot sa pandinig ni Joel ang buntong-hiningang pinakawalan ni Vinia bago ito kumilos at dinampot ang mga damit. Pumasok ang dalaga sa walk-in closet at doon nagbihis.
Naiwan lang siyang nakatayo. Hanggang sa lumabas si Vinia na bihis na bihis ay para pa rin siyang ipinako sa kinatatayuan.
“I’m leaving you alone, Joel. But this is for a while. I’m telling you, I’m not giving you up.” Mahina lang ang boses ng dalaga. Naroroon din ang pagtatampo pero hindi maikakaila ang determinasyon.
Kahit ayaw niya ay kinabahan
