“ALAS-NUWEBE na, Amor. Akala ko ba, maaga kang makakauwi?” sita agad ni Joel nang pagbuksan siya ng pinto. “Ni hindi ka man lang tumawag. Alalang-alala na ako. Iyon namang sekretarya mo, walang ibang alam isagot sa akin kundi nasa meeting ka.”
“Sorry, Joel.” Alam ni Amor na kasalanan niya kung nainip ang asawa sa kakahintay. Hindi naman niya inaasahan na aabutin nang ganoon katagal ang meeting. Sinubukan din niyang tawagan si Joel pero palaging busy ang line. Si Lilibeth man ay ganoon din. Kaya hindi na siya nagkaroon ng pagkakataong tawagan uli si Joel para ipaalam na made-delay ang uwi niya. At dahil gabi na, siya na rin ang nagdesisyong huwag nang magpasundo.
Tinalikuran siya nito. Napasunod siya ng tingin sa asawa na pabagsak naupo sa sofa at tumitig sa kisame.
Ma
