“LET’S make this marriage work, Amor,” ani Joel sa harap ng almusal na parang mas tamang tawaging tanghalian.
Alas-otso y medya na sila magising. Napakagaan ng pakiramdam ni Amor kahit na nga ba kakaunting oras lang ang naging tulog niya. At dahil parehong masaya, hindi rin naman sila agad bumangon. They made love again. Hindi rin pumayag si Joel na mag-shower siya nang mag-isa. Under the shower, for another time, they felt and tasted the glory of being one.
Pasado alas-diyes na nang bumaba sila. At dahil naghaharutan habang magkatulong na inaayos ang recipe na kaninang madaling-araw pa niya inihanda, inabot na sila ng oras ng tanghalian bago iyon naluto.
“Sure. Ano’ng gagawin natin?” masiglang sagot niya. Mahihimigan ang enthusiasm sa boses ni Joel, baliw siya kung ta
