71. Diezel
PINILIT NI PINK na maging kalmado at matatag nang mga sandaling iyon ngunit tila dinudurog ang kanyang puso sa nakikita. Hindi niya mapigilang huwag maawa sa mga Platoon na nasa ibaba ng selda na pinagtaguan ni Helga. Ang dating matatag, matatapang at kayang humarap na Platoon ay heto na ngayon, bakas ang takot sa mukha habang punong-puno ng pag-aalinlangan sa mga susunod na gagawin. Unti-unti nang nawawalan ng pag-asa ang mga ito. Tila nalubog na sa kumunoy nang hindi lumalaban upang maiahon ang sarili.
Isa lang yata ang ginawa ni Helga at ibang namumuno rito sa isla na matino at iyon ay bigyan ng ilaw ang mga naging bihag nito kapag sasapit ang gabi. Dahil doon ay nakikita niya ang bawat Platoon na nasa ibaba.
“You know me?” tanong niya sa mga ito habang nakadungaw sa i
