29. Waterfalls
PATULOY ANG pagsunod ni Goldee kay Blaze. Nasisigurado ng dalaga na nasa pusod na sila ng kagubatan ngayon sa bandang hilaga. Medyo matalahib na ang bahaging iyon kaya bumabagal na ang paglalakad ni Goldee. Nakakasugat kase iyon sa balat dahil may parteng matalim. Kailangan niyang mag-ingat at mahawi muna ang mga iyon bago makadaan. Ginagamit niya ang suot na jacket dahil wala siyang makitang patpat na panghawi.
Sinundan niya kanina si Blaze nang mapansing niyang nag-iiba ang direksyong tinatahak nito. Madali pa naman itong maligaw at hindi nila pwedeng pabayaan. Nang tatawagin niya na sana sila Sage, saka niya lang napansing hindi pala sumunod ang tatlo. Mukhang hindi rin alam ng mga kasama niya na naiba ang tinatahak nilang daan.
"Aray!" hiyaw niya sa sakit matapos m
