53. Pink
PAREHAS NA tulala si Sage at Alluka. Yakap ng binata ang dalaga at nasa kisame ang tingin nila. Dahil may inasikaso ang mga ate niya sa itaas kaya wala silang magawa kung hindi tumunganga. Si Koddie naman ay tumutulong sa mga ito. Ang kaibigan ang nagsasabi ng location sa mga kapatid niya.
Hanggang ngayon, hindi pa rin makapaniwala si Sage na nakakasama niya na sa isang bubong ang mga ate niya. Dati, nang nasa Bilancia siya, lahat ng pwedeng gawin para makaiwas sa mga kapatid ay ginagawa niya. Iniiwasan niya ding makita ang mga ito hangga’t maaari. Baka kase hindi niya mapigilan ang sarili at makagawa ng isang hakbang na hindi nararapat. Kaya malaki ang pasasalamat niya dahil kapag nasa misyon siya at nasa Bilancia ay may takip ang kanilang mga mukha. Katulad ng mga tauhan ni He
