85. Primrose
ANG AKALA NI Alluka noong una, binibiro lamang ni Pink ang mga kapatid. Hindi niya akalaing paluluhurin nga talaga nito sa monggo ang mga kasali sa naganap na komusyon. Hindi niya pa makakalimutan ang mukha nila Sage nang sumuko dahil sa tagal ng pagkakaluhod sa monggo. Ang unang ginawa ng mga ito pagkatapos lumuhod ay magbanyo. Hindi rin mairarason ni Sage sa kapatid na maaaring mabinat dahil nagawa nga nitong tumakbo ng pagkalayo-layo. Pumunta pa ito sa delikadong lugar na maaaring makasalubong ang mga tauhan ni Helga.
Nang madiskubre ng mga Platoon na may baboy-ramo na nakakulong sa kulungan, gusto ng mga itong ulamin iyon. Pero alam niya kung paano alagaan nila Gable ang mag-ina. Hindi papayag ang mga itong mailuto iyon. Lalo na si Sage na sinadyang pakawalan ang dalawa
