84. Beans
NASA ILALIM NG barong-barong na ginawa ngayon sila Pink. Galing iyon sa tagpi-tagping dahon ng buko at itinali sa mga baging ng Maze. Kasama niya roon ang buong miyembro ng SAoA. Problemado sila dahil nawawala ngayon si Brent at Sage. Sigurado siyang may alam doon si Diezel ngunit ayaw nitong sabihin sa kanila. Nakatunghod lamang ito sa isang sulok at parang inapi. Yakap-yakap din nito ang isa sa mga asong-gubat at hindi sila tinitignan.
“Kailangan ko ng Yakult,” iyon ang paulit-ulit na sinasabi ni Pink habang pinipilit kumalma. "Baka maunat ko nang wala sa oras iyang buhok ni Diezel."
“Sigurado ka bang wala kang alam, Gable?” tanong ni Xenus kay Gable nang nagdududa.
Balak na namang matulog ni Gable at walang pakialam sa gulong nangyayari sa paligid nito.
“Sabi nila may
