66. Escape
HAWAK-HAWAK ni Pink ang dalawang dart sa kanyang kamay. Pareho iyong nasa magkabilaan niyang kamay. Kung titignan sa CCTV mukhang natutulog na ang bunsong babae ng mga Dela Vega ngunit ang totoo’y gising na gising ang diwa niya. Naghihintay lamang siya ng pagkakataon para maisagawa ang kanyang plano. Ngayon niya balak tumakas sa lugar na iyon. Sa gabi-gabing pag-oobserba ay alam niya na ang naging pagkilos ng mga tauhan ni Helga sa paligid; parating may tumitingin sa kanya kung tulog na siya bago i-lock ng mga ito ang pinto ng kwarto.
Sa ganitong oras niya rin narinig ang pag-uusap ng mga tauhan ni Helga tungkol sa kinalalagyan ng mga bihag. Kung tutuusin, hindi sinabi ng mga ito ang lugar pero sigurado na siya nang mapag-isipan iyon kanina. Kaya ngayon, wala na siyang ra
