82. Doubt
MATAGAL NIYANG hiniling na sana’y buhay ang kasintahan. Nanalangin si Alluka na muling makita ang nakangiting mukha nito. Ang bawat ekspresyon sa tuwing inaasar niya si Sage. Maging ang paghalakhak nito na tila musika sa kanyang taynga. Nais niya ring masaksihang muli ang pag-aalala nito sa mga kasama na parang isang padre de pamilya. Ngunit ngayong nagkatotoo na ang hiling niya, bakit nakakaramdam siya ng ganito? Nang malaman niya ang kalagayan ng kasintahan, tila ba napakahirap niyong paniwalaan. Ang pagkabagabag sa kanyang dibdib ay hindi pa rin nawawala. Natatakot siyang mawala itong muli sa kanya kaya hindi niya pa pinupuntahan hanggang ngayon ang binata. Lumipas na ang isang araw ngunit hindi niya pa rin ito magawang lapitan.
Hibang na siya ngunit masisisi ba siya kun
