15. Smile
"INAANTOK NA AKO. Pwede na bang matulog?" tanong ni Gable sa mga kasama habang humihikab pa. "Kailangan ko pang magbanat ng buto bukas. Mahal ang serbisyo ko," saad nito ngunit hindi nila pinansin.
Nakatingin pa rin ang SAoA kay Alluka at naghihintay ng sasabihin nito. Humahapdi na ang mata nila sa magdamag na pagtitigan ngunit wala namang may balak magsalita.
Lalong-lalo na si Alluka. Ang akala ng dalaga’y nakaligtas na siya sa mga pang-showbiz na tanong ng mga ito. Hinintay lang pala siyang gumaling para may lakas siyang sagutin ang lahat ng ibabatong tanong sa kanya. Ilang araw din kayang nagtiis ang mga ito na huwag siyang tanungin at hintayin siyang gumaling?
Napangiwi si Alluka nang itiklop ang kanyang palad. Ilang araw na ring si Goldee ang nagsusubo sa kanya dahil
