Aoife
Madilim ngunit payapa.
Ganyan ang nakikita't nararamdaman ko ngayong nakatitig ako sa paligid. Habang nakasampa sa sanga ng punong kahoy ay tahimik akong nagmamasid. Ilang oras matapos ang saglitang paglibot namin ni Ethan sa himpapawid, pati na nang ihatid niya ako sa kwarto ay nagising na rin ako at hindi na nakatulog ulit.
Wala naman akong magawa sa loob ng bahay kaya nagpasiya akong tumambay na muna rito. Magandang makalanghap ako ng sariwang hangin habang nagmumuni-muni sa gitna ng gabi.
Talagang madilim ngayon, tanging mga ilaw mula sa apoy ng pang-ilaw ng mga naglilibot na kawal ang nagsisilbing ilaw. Nabasa kasi ng ulan ang mga kahoy na inaapuyan no'ng umulan kanina kaya hindi pa ulit nila ito nasisindihan. Isa pa ay paminsan-minsan pa rin bumubugso ang ulan.
Nang tu
