Aoife
"Ano nang plano mo pagkatapos dito?" tanong ni Debi habang ipiniprito ang ulam naming manok.
Humahalimuyak ang nakagugutom na amoy ng pritong manok ngunit hindi ako sigurado kung kaya ko na bang kumain. Pagkatapos kasi naming mag-usap ni Debi kanina ay ilang beses akong naduwal-duwal sa mga nagkalat na dugo.
Mapalad kami at may nadatnan pa kaming mga pinalamig na karne ng hayop, gulay at ilang mga gagamiting panluto rito sa pangkalahatang kusina. May sapat din na tubig na maiinom namin ng hanggang isang linggo.
"Hindi ko alam. Kahit naman pagod at puyat ako ay paniguradong hindi pa rin ako makatutulog," sagot ko.
Kahit sino namang lumagay sa lugar ko ay hindi rin kakayanin ng konsensiya nilang makatulog nang mahimbing.
"Ako rin," sabi niya. "Ikaw ba naman matulog sa lugar
