IKALIMANG GLORYA (SSPG)

Chapter 35: Paramdam

CARL

“Paano na kasi ito?” Tanong ko sa aking sarili habang pinangkakamot ko ang takip ng ballpen sa aking buhok.

Napaaga ako ng isang oras sa aking klase. Upang hindi masayang ang oras ay binalikan ko ang mga natalakay naming aralin sa isa sa mga asignatura ko sa BSIT course ko. Bukas naman ang silid-aralan kaya pumasok na ako at nagsimulang magbalik-aral.

Dahil halos isang oras din ang layo ng President Ramon Magsaysay State University (PRMSU) sa aming barangay, maaga akong naghahapunan at lumuluwas upang maiwasang ma-late sa klase. Ngunit dahil naka-motorsiklo ako, parati akong nakakapasok ng mas maaga. Maigi na rin ito upang parati akong maging handa sa klase. Nasa huling baitang na rin naman na ako ng kolehiyo at mahalaga sa akin ang makatapos para makakuha ako ng disenteng trabaho