Abala ang lahat nang magkaroon ng program sa eskwelahan. Lalo na si Leslie dahil bukod sa stage play ay may solo performance pa sya sa pagkanta. Una siyang umawit para sa opening number. Sumunod ay may mga sumayaw. Nagtalumpati ang mga officers ng University at sumunod ang stage play nila. Matagumpay naman nilang nairaos yun. Matapos ng araw na yun ay nagkaroon ng celebration ang lahat ng mga estudyanteng kasali sa program.
Habang nagkakasiyahan napapansin ni Dexter na panay ang tingin sa kanya ni Bianca na nasa katapat na mesa nila kasama ang grupo nito sa dance club. Sa tuwing mapapatingin sya sa babae ay nginingitian at kinikindatan siya nito. Katapat lang niya ito sa kabilang mesa kaya hindi din nya maiwasan ang mapatingin doon.
"Mahal mauna na tayong umalis naghihintay na sila Reym
