NATULALA LAMANG si Demone sa kanilang silid mula ng iwan siya ng asawa. Hindi niya alam ang gagawin, nanghihina siya at walang kahit anong pumapasok sa kanyang isip kundi ang mukha ng asawa.
"Anong nangyari dito?" Doon lamang siya natinag sa kinauupuan dahil narinig niya ang boses ng kapatid.
Nanlaki ang kanyang mga mata at naiyak nang makitang ito nga ang dumating. Dali dali itong lumapit sa kanya at mabilis siyang niyakap. Gumanti siya dito ng mahigpit na yakap at humagulhol sa balikat nito.
"Den, he left me. He left me." Paulit ulit niyang tugon.
"Si Fourth?" Gimbal na tanong nito na tinanguan niya.
"Pagod na daw siya dahil sa sakit na ibinibigay ko sa kanya. Den, napagod na siya sa'kin. Napagod na siya sa pag-intindi sa'kin." Para siyang batang umiiyak dahil talagang tila dinudur
