Nakatingin lang sa harap ng salamin si Isabella habang inaayusan siya ng mga bading na kaniyang kasama. Matapos ang paglalagay ng make-up sa kaniyang mukha ay sinuotan na siya ng hikaw sa magkabilang tainga. Gandang-ganda siya sa Isabella na nakikita sa may salamin. Tila walang itinatagong sakit ang itsurang iyon. Araw na kasi iyon ng kasal nila ni Blake at dapat ay masaya siya. Ngunit hindi niya maipaliwanag sa sarili ang kahungkagang nararamdaman. Pakiramdam niya may kulang. May nawawala.
"Ayan! Ang ganda-ganda naman talaga!" palatak ng nag-aayos kay Isabella. Nginitian at pinasalamatan naman ito ni Isabella.
"Siya, sumunod na po kayo sa amin sa labas kapag napagmasdan niyo ng mabuti ang inyon face! Baka mainip ang groom kaya bilisan niyo na!" maingay at masiglang saad ng baklang nag-a
