Alexene's Pov
Panaka-naka akong sumusulyap kay Blake habang nagmamaneho siya. Mula nang umalis kami kanina roon sa restaurant na kinakainan namin ay wala na siyang imik. Nanghihinayang lang ako, kita ko na ang pagbabago sa mga kilos at trato niya sa akin tapos biglang magkaka ganito ulit dahil sa...
Sino kaya iyong babae na nakatitigan ni Blake kanina? Mukhang hindi ako makakatiis.
"Who is she?" lakas loob ko ng tanong sa kaniya. Kaysa naman manahimik ako, it's better to ask him. Ngayon pa ba ako matatakot magtanong eh nagkaroon na siya nang magandang pakikitungo sa akin.
Sumulyap lang siya sa akin pero hindi naman siya sumagot.
"Ex?" pangungulit ko.
Dinig ko ang pagbuntung-hininga niya. Baka mainis siya sa akin. Makulitan. At kapag nagkataon, mabubulyawan na naman ako. Baka bumalik
