"Akala ko ba pag-uwi niyo galing ng Barcelona, may panibagong pag-ibig na mabubuo?"
Matalim na tingin ang ipinukol ni Michael sa kanyang driver habang nagmamaneho ito dahil sa sinabi nito.
"Papaano naman mangyayari 'yon?" tanong naman niya na para bang sinasabi niyang paganahin nito ang common sense nito dahil alam naman nito kung ano nga ba ang tunay na estado ng buhay nilang dalawa.
"Yon kasi ang madalas na nangyayari. Kahit na anong galit niyo sa isa't-isa, kapag naglaan kayo ng panahaon para sa bawat isa, may malaking posibilidad talagang may damdamin na mabubuo."
Napailing na lamang siya sa sinabi nito. Kalalaking tao pero kung makipagchikahan sa kanya, daig pa niya ang babaeng mahilig manood ng mga kdrama.
"Impossible!" bulalas naman niya pagkaraan.
Papaano ba siya iibig sa t
