CHAPTER 34
************
MELISSA QUIZON
"Tita! Tita! Pahiram po ng lotion." Bibong sabi ni Bobbie. Ipinaubaya kasi ito ng Mama niya sa amin kaya nandito siya sa bahay.
Marahan kong hinila ang kamay nito at inupo ko siya sa pagitan ng hita ko. "Tara dito. Ako na ang maglalagay sayo."
Tinaktak ko ang sunblock lotion sa palad ko at sinimulang ipahid sa braso ni Bobbie.
"Tita, mag-swimming ka din po. Malamig ang tubig sa pool. Masarap po sa balat."
Kinagat ko ang ibabang labi ko at tinitigan ang asul na tubig. Tila nanghahalina iyon na languyan. Wala kasing magawa sila Reid kaya nag-aya itong mag-swimming sa pool dito sa bahay.
Kumaway sa akin si Reid na ngayon ay nakayakap pa rin sa leeg ni Wright at nakalublob sa tubig.
Napalunok ako nang magtama ang mga mata namin ni Wright at agad
