CHAPTER 18
MELISSA QUIZON
"Mommy!"
Napatingin si Wright sa baba at ngumiti ito ng malungkot habang nakamasid kay Reid. Nilingon ko si Reid nang humawak ito sa kamay ko. Hindi rin nito inaalis ang tingin kay Wright. Nakakunot ang noo nito. Kahawig niya talaga ang kanyang ama.
"Bakit ka po nandito? Kamag-anak ka po ba namin?" Usisa ni Reid.
Hindi ko alam kung ano ang isasagot ko sa kanya. Nagkatinginan kami ni Wright. Nabasa ko sa mga mata nito ang pag-aasam na makilala siya ng anak namin. Matagal ko ng pinaghandaan ang paghaharap naming ni Wright. Ilang araw na rin ako nag-isip at nakapagdesisyon na ako.
My son deserves to have a father. Hindi ko na ipagdadamot ang karapatang iyon.
Lumunok ako ng ilang beses. Lumuhod ako para magtama ang mga mata namin ni Reid. "Ibigay mo muna kay Lo
