"WALA akong maisasagot sa 'yo sa katanungan mong 'yan, honestly," the CCEO said. Then he blew an air. "Ang alam ko lang ay hindi mapapahamak si Kate kung hindi dahil sa 'kin. Tama ba?"
Gusto sana niyang maawa sa kaharap na CCEO ngunit mas pinili ni Raegan na maging neutral sa sitwasyon. Walang pakiramdam, walang reaksyon, gano'n dapat. Kahit sa kalooban niya ay may awa siyang nadarama rito at sa anak nito.
Mahirap ang mag-isa.
Ah, tunog kanta 'yon, oo, pero 'yon naman mismo ang nadarama niya buhat nang isilang siya sa mundong 'to.
"Medyo gano'n na nga. Wala namang bad record si Kate Olivarez sa 'min, gano'n din ang mga magulang niya. Alam natin pareho na lowkey lang ang mga Olivarez kahit na mayaman sila. Alam din natin na namuhay sila ng simple. Hindi magarbo, hindi pala-media kahit
