HINDI ko makakalimutan ang araw na ito na pinagsuot ko ng light pink at powder blue ang lahat ng bisit habang ako ay nakaputing gown at si Carlo ay grey.
Nagmistulang fashion show ang araw na iyon dahil sa dami ng mga taong kumukuha ng litrato sa mga obrang likha ko. Lahat ng suot ng mga abay namin sa kasal ay ako ang nagdisenyo. Sabi ng mapapangasawa ko, ginawa ko raw Debu Runway show ang kasal namin. Hindi naman siya nagreklamo dahil matapos ang lahat ng pinagdaanan naming lahat sa nakaraang taon ay ito ang pinakamasayang araw naming dalawa.
“Ate, smile!” Paglingon ko kay Angelo na may hawak na instant polaroid camera na mukhang ayaw na niyang tigilan ay ngumiti kami ni Carlo. Katatapos lang ang reception ng aming kasal at abala na ang lahat sa pagsasayaw.
“Patingin nga,” tawag ko sa
