“What do you mean na baka maabutan pa ako ng araw ng kasal?” tanong ko sa kanila. Si Mama at Dad ay humalik sa pisngi ko at saka nagpaalam nang lumabas.
“Congratulations mga, anak. Finally makakatawag na rin kami kina Ninong Domingo na nakaraos na sa proposal si Carlo,” sabi ni Mama. Lalong nahiya ang mahal ko. Namula ang pisngi niya hanggang leeg.
“May sasabihin pala muna ‘ko sa inyong dalawa. O behave kayo ha. Alam ko bagong feeling pero bahay ko ‘to kaya bawal ang—”
“Ninang!”
“Rina!”
“Tita!”
Magkakasabay kaming nagsalitang lahat dahil sa kahalayang iniisip ni Ninang. Tumatawa itong lumabas ng silid.
Nagpalinga-linga si Carlo at parang naghahanap ng saklolo. Nakita niya ang portrait naming dalawa na naka-patong ang frame sa side table sa kanang bah
