Mariin akong pumikit.
Kasi natatakot ako na makita kung paano ako mamatay. Hindi na din makagalaw ang katawan ko dahil sa pagkabigla at takot.
Kaya mas mabuti na lang na pumikit.
Natumba ako pero pakiramdam ko may mabigat na nakadagan sa'kin. Nagmulat ako ng mata at nakita ko si Mikhael sa ibabaw ko.
Nanlaki ang mata ko at nagtaka sa nangyari. Hindi ko na nasundan pa ang nangyari dahil pumikit ako kanina. Alam ko naman kasing ako lang ang matatamaan pero ano 'to? Bakit nandito si Mikhael na nakayakap sa akin at nasa ibaba ko?!
Alam kong binaril ako pero bakit wala akong maramdaman? Hindi kaya?!
No! No!
Nagmamadali akong bumangon at nakitang namumutla si Mikhael. May mga tauhan na dumalo sa'min at pinotrektahan kami. Tinulungan nila akong itayo si Mikhael na halatang may iniinda. Hi
