Peitho
Pag katapos naming magsikain ay agad na kaming lumabas ng bahay, hindi na kami nag tangka pang gisingin si Queen dahil mahal pa namin ang aming mga buhay at marami pa kaming pangarap. At isa pa, naroroon naman si Butler Shun upang bantayan si Queen.
“Dito na kayo sumakay, baka mamaya hindi kayo mamatay sa bala ng baril, pero mamatay naman kayo sa bangga ng sasakyan dahil sa antok,” sabi ni Axel bago ito tuluyang pumasok sa kanyang sasakyan.
Natawa na lang ako sa kanyang sinabi, habang si Aikka naman ay pumasok na sa sasakyan kaya sinundan ko na rin ito. Agad na nag maneho si Axel patungo sa eskwelahan, habang ako naman ay nakatingin lang sa paligid na aming dinaraanan. Sa araw na ito, dahil na rin siguro sa labis kong antok na nararamdaman ay tila hindi ko na maramdaman ang sari
