"Kanina ka pa nandito?" Rinig kong sambit ng isang pamilyar na boses ng babae kaya agad akong nag-angat ng tingin at nakita ang babaeng kausap ko sa cellphone kagabi. Si Raven. Nakasuot ito ng jeans at kulay puting t-shirt kaya sobrang simple lamang niyang tingnan ngayon pero umaapaw naman ang ganda niya.
Nataranta naman akong napatayo mula sa pagkakaupo.
"Nandito ka na pala, Raven. H-hindi, halos kararating ko lang rin." Sambit ko at pinaghila ito ng upuan para makaupo siya.
"Thanks, Owen!" Pasalamat niya kaya nginitian ko naman ito.
Tumawag rin ako ng waiter bago maupo sa upuan ko. Kasaluyan kaming nandito sa Café Library kung saan napag-usapan namin ni Raven na dito kami magkikita. Twelve-fifty five ako dumating rito at si Raven naman ay saktong ala-una.
Nang makapag-order napansi
