THIRD PERSON POV
Sinundan ng tanaw ni Yessa ang pagpasok ng dating kasintahang si Enrique sa loob ng isang convenience store. Madalas niya itong gawin tuwing matatapos ang kanyang oras ng pagtatrabaho sa pagmamay-aring bakeshop.
Bago umuwi sa kanilang malaking bahay ay dumadaan muna siya sa tapat ng building kung saan nagtatrabaho ang dating boyfriend. Naghihintay siyang masilayan ang gwapong mukha nito sa tuwing lalabas ito ng gusaling iyon.
Alam ni Yessa na mas pinapahirapan lamang niya ang kanyang sarili sa tuwing pinagmamasdan ang lalaking nagmamay-ari pa rin ng kanyang puso.
Kahit anong subok niya na mag-move on mula kay Enrique ay hindi niya magawa.
Madalas pa rin itong pumapasok sa kanyang isipan sa mga gabing nakararamdam siya ng labis na kalungkutan dahil ang pakiramdam niya
