Maxine Lyanne's POV
"Sa susunod na araw pa ang December ha," nagtatakang sambit ni Hades na kakapasok lang ng kusina.
Hindi namin siya pinansin ni Khloe at Fastia. Nagpatuloy lang kami sa paggagayat para sa putobongbong.
"Bakit parang pasko na rito sa kusina?" natatawang tanong niya pa.
"Manahimik ka," singit ni Neandro na buhat-buhat ang anak nilang si Althea.
Nakasandal ito sa ref habang kaming tatlong babae ay nasa harapan ng kitchen's island. Nakakapaglakad na at nakakagalaw na ulit ako ng maayos matapos ang halos isang buwan na pagpapahinga.
Gusto ko lang talagang gumawa ng putobongbong dahil nag crave ako bigla. Mabuti na lang at gusto rin nila Khloe at Fastia kaya may kasama akong gumawa.
"Bakit hindi ka na lang maglinis ng kabayo roon ng paulit-ulit?"
