Maxine Lyanne's POV
"Bakit ang tagal ni Gamble bumalik?" kinakabahang saad ko habang pabalik-balik sa veranda ng kwarto ni Gamble.
Hind ako mapakali dahil alam kong nasa labas siya kausap ang buong pamilya niya para ipaalam ang lahat ng tungkol sa akin.
"Ano na kayang nangyayari sa baba?" kinakabahang tanong ko kay Fastia na nakadapa lang sa kama at pinapanood ako.
Hinayaan ko na si Gamble na aminin ang lahat sa pamilya niya. Gusto niya sana na ako mismo ang magsasabi ng nakaraan ko pero hindi ko kaya. Kahit ang samahan si Gamble na aminin ang totoo, hindi ko talaga kaya.
"Nag-aaway na kaya sila ni Neandro—"
"Maxine, kaya ni kuya ang sarili niya," sambit sa akin ni Fastia. "Hindi siya takot na humarap sa pamilya namin sa seryosong bagay. Kayang-kaya niya rin na kala
