Naguguluhan siya kung sino ang nagpapadala ng mga larawan sa kanya, at anong motibo nito? Naisip din niya bigla ang kaligtasan ni Hainna, ang asawa niya. Sa tuwing lalabas ng bahay ang asawa niya, may nakasunod rito. Pero sino at bakit? tanong niya sa sarili nang nasa loob na siya ng opisina.
Bago siya pumasok, nag-away pa sila ng asawa dahil sa mga larawang pinadala sa kanya. Sinabi ng asawa na posibleng si Patricia ang nagpapadala, pero walang kakayahan gawin ni Patricia ang bagay na iyon. Lalo na ang mag-utos sa Canada para sundan ang asawa niya. Malakas ang kutob niyang hindi si Patricia ang sumusunod sa asawa, at lalo siyang nakaramdam ng pag-aalala para sa asawa. Paano kung masamang tao ang laging sumusunod sa asawa?
"Damn!" mura niya. Nitong mga nakalipas na araw ay unti-unti na s
