Tahimik silang naghapunan. Wala pa ang mga Kuya niya kaya sila lang ng Mommy't Daddy niya at ni Shawn ang nasa hapag. Pansin niyang masaganang kumakain ang asawa, marahil nagustuhan nito ang luto ng Mommy niya. Alam niyang namana niya ang galing sa pagluluto sa Mommy niya, kaya sure na gusto rin ng asawa ang luto niya.
"Kumusta naman ang pagsasama n'yong mag-asawa ngayon?" tanong ng Daddy niya na medyo kinagulat pa niya. Nagde-dessert na lang sila at ang dalang baked lasagna ni Shawn ang kinakain nila. Pasimple niyang sinulyapan si Shawn at nagkatinginan sila nito. Mabilis siyang nag-iwas ng tingin, nagkunwaring busy sa pagkain.
"Maayos naman ho," tipid na sagot ni Shawn. Hahayaan niya ang asawa na ma-hot seat sa Daddy niya.
"Mabuti naman. Aba'y dapat magka-anak na kayo, at nang magka-a
