Mabilis na lumipas ang mga araw. Mag-iisang linggo na siya sa mansyon ng mga Alvarez. Pero mula nang umuwi siya sa mansyon ay hindi pa sila natutulog ng asawa sa iisang silid. Hindi niya alam kung saang silid tumutuloy ang asawa. Pumapasok lang ito sa silid nito kung saan siya natutulog para kumuha ng mga gamit nito. Pero never itong natulog o nag-stay sa kwarto kasama siya.
Parang iniiwasan siya ng asawa. Nalulungkot siya sa ginagawa ni Shawn na pag-iwas sa kanya at pambabalewala nito sa kanya. Umaasa pa naman siyang sa pagbabalik niya ng San Miguel ay makakasama na niya ang asawa at magagampanan na niya ang papel niya bilang asawa nito.
Madalas siya ang naghahanda ng pagkain ng asawa, turo na rin ng Mama ni Shawn. Nais ng Mama ni Shawn na personal niyang asikasuhin ang asawa niya. Gin
