"Nakainis," maktol niya nang makasakay na sa kotse.
"Ihahatid ko na po ba kayo sa bahay?" tanong ng driver na nagkukunwaring hindi narinig ang pagmamaktol niya.
"Ihatid mo muna ako sa bahay ng mga magulang ko," utos niya. Agad naman tumango ang driver at pinaandar na ang sasakyan.
Tiningala niya ang mataas na building ng mga Alvarez, at nainis lalo nang maalalang nasa loob din ng building na iyan si Patricia. Nais tuloy niyang pagsisihan ang pagpunta niya sa opisina ng asawa. Nalaman tuloy niyang sekretarya ng asawa si Patricia. Anong malay niya kung ano ang ginagawa ng mga ito pagkatapos ng trabaho, kung anong kahayupan ang ginagawa ng mga ito sa loob ng opisina ng asawa.
Kung anu-ano na ang pumapasok sa isip niya, at lalo lang siyang naiinis sa mga naiisip.
"Pwede bang ihatid mo na
