Pakiramdam niya may yumuyugyog sa balikat niya. Pilit niyang binuksan ang mga mata. Agad niyang nakita si Shawn na nakatunghay sa kanya. Nanlaki ang mga mata niya at tila nawala ang antok nang makita ang gwapong asawa.
"Shawn?" anas niya.
"Good morning," walang ngiting bati ni Shawn. At napansin ang pagsulyap nito sa kanya, sa may dibdib niya. Niyuko niya ang sarili at nakitang hubad siya at hindi natatakpan ng maayos ng kumot ang hubad niyang katawan. Mabilis niyang hinila ang kumot at tinakip sa katawan hanggang sa baba niya.
Napatitig siya kay Shawn na titig na titig rin sa kanya. Kanina pa ba ito gising at nakatingin sa kanya? Hindi niya namalayan na nakatulog pala siya kagabi kahit hindi tumitigil ang isip niya sa kakaisip ng kung anu-ano. Ito nga at nagbunga na ang ginawa niya kag
